Til brúðhjóna

 

Hafsins öldur, háa kletta,

hyggur par að sigla, klífa.

Þætti beggja það vill flétta,

þeirra ást að elska, svífa.

 

Lífsins njóta, lifa núna,

leita nýrra ævintýra.

Halda í bestu barnatrúna,

blessun lofa ávallt stýra.

 

Saman ganga sínar leiðir,

þá sindrar gæfa í ástaraugum,

hamingjunnar götu greiðir,

glitrar traust af fingurbaugum:

 

Brúðkaupsstundin, björt og fögur,

blíður koss og tryggarheitið

færi ykkur fagrar sögur,

frið og sátt hvort öðru veitið.

 

 

jgr