Vorþrá

Blómgast lundur,
brum í greinum,
blíðust unaðsstund.
Ástar fundur,
ósk í leynum,
yndi vekur grund.

jgr

Sannleiksþrá

Þú hyggur himins til,
heit þín lífsins þrá,
krossins gata greið,
geislar lífsins brá.
Þó ef aðeins þú
þráir sannleikann.
Tær og hrein og trygg,
þér trúin færir hann.

jgr

Vild

Í djúpri vitund vís
er vild um nýjan dag.
Styrkur trúar tær
tryggir sálarhag.
Veitir unaðs þrá
og yndi himins lag.
Breiðir hægt og hljótt
á heiminn lífsins brag.

jgr

Hugarlíkn

Er grætur himinn
gráir dagar
gæta vonarinnar.

Þú lygnir augum,
líkn er huga
loforð gæfu þinnar.

jgr